ലോകം മുഴുവൻ കേൾക്കട്ടെ.(അറബിക്കവിത)
തൌഫീഖ് സയ്യാദ്.(പാലസ്തീൻ കവി)
(1929-1994)
ലോകം മുഴുവൻ കേൾക്കട്ടെ;
ഞങ്ങൾ പട്ടിണി കിടക്കും,
വസ്ത്രം ധരിക്കാതെ ജീവിക്കും,
തുണ്ടം തുണ്ടമായി മുറിഞ്ഞു വീഴും,
വേദന കടിച്ചമർത്തുന്ന നാടേ
നിനക്കു വേണ്ടി പൊട്ടിച്ചിതറി,
മരിച്ചു വീഴും,
എന്നാലും...
നിയവിധേയമായി ഞങ്ങക്കു ലഭിച്ച
സ്വാതന്ത്ര്യത്തിന്റെ പതാക
ഞങ്ങളുടെ കയ്യിൽ നിന്നും ഒരിക്കലും
താഴെ വീഴില്ല.
ഒരു ശക്തിക്കും
ഒരു പിശാചിനും
ഒരു ടാങ്കിനും മുമ്പിലും
ഒരിക്കലും തല കുനിക്കില്ല
ഞങ്ങളുടെ കൂട്ടത്തിൽ നിന്ന്
മുല കുടിക്കുന്ന ഒരു കുഞ്ഞു പോലും
ഒരിക്കലും താണു കൊടുക്കില്ല.
No comments :
Post a Comment