Friday, August 27, 2010

രഹസ്യ ഗർഭം - (അറബിക്കവിത)



ലാഫിതാത് - (തുടർച്ച..)
അഹമദ് മഥർ - ഇറാഖി കവി
...
...
രഹസ്യ ഗർഭം

അറിയാം ... എനിക്കറിയാം;
പല്ലുകളെയും നഖങ്ങളെയും ഭയന്ന്
കവിതകളെ ഞാൻ തടവിൽ പാർപ്പിക്കുകയാണ്‌.
* * *

അറിയാം, അതേ, എനിക്കറിയാം;
ഡോളറുകളുടെ തീയണയ്ക്കാൻ
ദാരിദ്ര്യത്തിന്‌
തീ കൊളുത്തിയിരിക്കുകയാണ്‌ എന്ന്
* * *

എനിക്കറിയാം...
പ്രതികാരം
ഒഴിവുകഴിവുകളാൽ ഗർഭം ധരിക്കുന്ന
മേഘമാണെന്നും
ഇടിനാദങ്ങൾ അട്ടഹസിക്കുമെന്നും
ശേഷം അതു പേമാരിയായി വർഷിക്കുമെന്നും.!!

ഞങ്ങൾ കാലം മുഴുവൻ വ്രതമെടുത്തു
പിന്നീടാണറിയുന്നത്‌;
ഞങ്ങളുടെ വ്രതം തന്നെ
നോമ്പുതുറയായിരുന്നുവെന്ന്‌

ഉപ്പേക്ഷിക്കപ്പെട്ട കുഞ്ഞ്….??
രഹസ്യമായും പരസ്യമായും
നമ്മൾ കാരണങ്ങളെ സൃഷ്ടിക്കുന്നു;
പിന്നീട്‌ മാതാവിന്റെ പകരക്കാരായി
എല്ലാ അപമാനങ്ങളും
നമ്മൾ എടുത്തണിയുകയും ചെയ്യുന്നു.
എന്തു കൊണ്ടാണത്‌?

എന്തു കൊണ്ടാണ്‌
നമ്മൾ നരകത്തിലും
ശിശുവിന്റെ മാതാവ്‌
താഴ്‌വാരങ്ങളിലൂടെ "കിണറുക"ളൊഴുകുന്ന
സ്വർഗ്ഗത്തിലുമായി കഴിയുന്നത്‌?
* * *

വ്യഭിചാരം തെളിയിക്കപ്പെട്ട
തേവടിശ്ശിയെ കല്ലെറിയരുത്‌
മറിച്ച്‌,
അവളുടെ രഹസ്യ ഗർഭത്തിനു വേണ്ടി
നിങ്ങൾ കല്ലുകൾ ശേഖരിച്ചു വെക്കുക.

ഒരു ഫലിതം

ആകാശവാണി
ഭൂപടത്തിനു വെളിയിൽ കടന്ന്
ഇങ്ങനെ അട്ടഹസിച്ചു കൊണ്ടിരുന്നു;
‘ജാരസന്താനങ്ങളായ
കൊച്ചു രാജ്യങ്ങളെ
ഞങ്ങൾ അപലപിക്കുന്നു’.

4 comments :

  1. കൊള്ളാം. പൊതുവേ അറബിഭാഷാസാഹിത്യം പരിചയപ്പെടാൻ വേറെ വഴിയൊന്നും ഉണ്ടാവാറില്ല. ഈ സംരംഭത്തിനുനന്ദി.

    ReplyDelete
  2. വ്യഭിചാരം തെളിയിക്കപ്പെട്ട
    തേവടിശ്ശിയെ കല്ലെറിയരുത്‌
    മറിച്ച്‌,
    അവളുടെ രഹസ്യ ഗർഭത്തിനു വേണ്ടി
    നിങ്ങൾ കല്ലുകൾ ശേഖരിച്ചു വെക്കുക.

    ReplyDelete