Tuesday, April 13, 2010

നമ്മുടെ ആളുകൾ ബധിരരോ? - ഫൗസി ശദ്ദാദ്.


നമ്മുടെ ആളുകൾ ബധിരരോ?
ഫൗസി ശദ്ദാദ്.
(ഇദ്ദേഹം ഏതു നാട്ടുകാരനാണെന്ന് എനിക്കറിയില്ല, ഇദ്ദേഹത്തിന്റെ മറ്റു ചില കവിതകളും വളരെ പ്രസിദ്ധമാണ്‌)
------------------------------------------

ആരാണു പറഞ്ഞത്;
നമ്മുടെ ആളുകൾക്ക്
കേൾക്കാൻ കഴിയില്ലെന്ന്;

അവസാനമായി റിലീസായ പാട്ടിനെക്കുറിച്ച്,
ലേറ്റസ്റ്റ് സംഗീതത്തെക്കുറിച്ച്,
കലകളെക്കുറിച്ച്
അവരോടു ചോദിച്ചു നോക്കൂ..

എല്ലാ പാട്ടുകാരെക്കുറിച്ചും
എല്ലാ നർത്തകികളെക്കുറിച്ചും
അവർക്കു നന്നായി അറിയാം
പാട്ടുകളെല്ലാം അവർക്കു ഹൃദിസ്ഥമാണ്‌
പലതുമവർ വീണ്ടും വീണ്ടും
ഉരുവിട്ടു കൊണ്ടിരിക്കുന്ന്

* * *

ആരാണു പറഞ്ഞത്
നമ്മുടെ ആളുകൾ സംസാരിക്കാത്ത
മൂകന്മാരാണെന്ന്;

രാവും പകലും അവർ നിശബ്ദരാകുന്നില്ല,
അവസാനമിറങ്ങിയ ചലചിത്രം,
കുതിര, പ്രാപ്പിടിയൻ, അത്തർ, കുന്തിരിക്കം,
പുതിയ മോഡൽ കാറുകളുടെ രൂപം, നിറം
ലേറ്റസ്റ്റ് ഫാഷൻ, ട്രൻഡ്, ആർട്ട്
എന്നിവയെക്കുറിച്ചൊക്കെ അവർ
നിരന്തരം പേശിക്കൊണ്ടിരിക്കുകയാണ്‌.

* * *

ആരാണു പറഞ്ഞത്
നമ്മുടെ ആളുകൾ ഒച്ചപ്പാടുണ്ടാക്കുന്നില്ലെന്ന്
സംശയമുള്ളവർ ഫുട്ബോൾ ഗ്രൌണ്ടിലേക്ക് പോയി നോക്കൂ
നിങ്ങൾക്കു മനസ്സിലാകും;
ആരോപണം കളവാണെന്ന്.

നിങ്ങൾക്കു കണ്ടറിയാം;
നമ്മുടെ ആളുകൾ കൈയ്യടിക്കുന്നത്,
ആർത്തട്ടഹസിക്കുന്നത്,
നെറ്റുകൾ ചലിക്കുമ്പോൾ ഇരമ്പിമറിയുന്നത്,
ദു:ഖിക്കുന്നത്, ദേഷ്യം പിടിക്കുന്നത്,
പ്രോൽസാഹനത്തിന്റെ കാഠിന്യം കൊണ്ട്
തമ്മിൽ തല്ലുന്നത്,
കൊല്ലുന്നത്,
കൊല്ലപ്പെടുന്നത്.

* * *
ആരാണു പറഞ്ഞത്;
നമ്മുടെ ആളുകൾക്ക് ഒന്നും മനസ്സിലാകുന്നില്ലെന്ന്

അവരോടു ചോദിച്ചു നോക്കൂ
ആരാണ്‌ ഖുദുസിനെ,
മസ്ജിദുൽ അഖ്സയെ മോചിപ്പിച്ചത്? എന്ന്
അവർ ഉടനെ മറുപടി പറയും
“സൂര്യ കിരണങ്ങളെന്ന്”
എന്നിട്ടവർ വെളുക്കെ ചിരിക്കുകയും ചെയ്യും.

* * *

കഷ്ടം!! ആയിരം കഷ്ടം!!!
ബന്ധനസ്ഥയായ ഖുദുസേ
നമ്മുടെ ആളുകളുടെ ഉള്ളിൽ
ഹൃദയം എന്നൊന്നില്ല
നിന്റെ മുറ്റത്ത് പ്രതിഷേധിക്കാനോ
അപലപിക്കാനോ ആരുമില്ല
ഞങ്ങളുടെ ആണുങ്ങളുടെ കൂട്ടത്തിൽ
മുഅതസിമോ, സലാഹുദ്ദീനോ ഇല്ല....
ബന്ധനസ്ഥയായ ഖുദുസേ
കഷ്ടം!!
ആയിരം കഷ്ടം!!!

No comments :

Post a Comment